Çend kesine biyan

Sîrwan Qiço

Helbestekê ji kenê ser lêvên qelişî
Bihûne …………
Çîroka jiyana xwe bi pênûseke
Biyan hêdî hêdî
Binivisîne……
lîstikên zarotiyê cardî
Dubare bike.
Bihna rokê dîsan vegerîne
Nav tiliyên xwe û şevên
Havînê geş bike .
Ken û girî wekî her
Sal di nav hev de bide.
Sîmfoniya serkeftinê ji nû ve
Lidarxîne.
Dîsan damaran geş bike……
Berê xwe bide bazara
Mêwe û şînkayê û tûrekî
Dagirtî bi xwe re werîne..!!
Deriyê firoşgehê kilît
Bike û zû were malê
Berî ku roka tûj serê
Te yê bê por talan bike………