Dema helbest têne jehirkirin Bedel Revo

 

 

Li ser pirekê û

Li ser rûbarekî

Pirr hêz û rijd ...

Helbestvanek dimeşiya

Bi hizaran helbest û

Awaz di serî de

Dileyizîn;

Ji nişkê ve !!

Helbestek

Ji wan weşiya û

Kefte di rûbarî de ..

Helbestvan ..

Bi herdû çavan giriya

Çi helbestvanekî

Xemxor e ev e!!!

Xelkî ji xwe re digot

Ev e!!

Lê çi dibînin?!

Masî bi ser avê

Keftine..

Masî bi jehra

Helbestê mirin û najîne ve..

Wî demî .. xelkî zanî

Helbestek genî bû

Ev e..

Ji helbestvanekî genî

Hate vehandin

Di pesna.....

siyasetmedarekî genî

Di zimanekî genî da ev e !!