Hijmara (28) an ji kovara /Hawara
Nû/ derket
Hewlêr/Kurdistan
Hijmara nû(28)ya meha Nîsanê ji kovara Hawara Nû, ya ku
Kombenda Kawa bo Çanda Kurdî wê li Hewlêrê paytexta herêma
Kurdistana federe derdixe, kete ber destê xwendevanan de.
Hijmara nû gelek babet û mijarên hizrî û çandî yên giring
hewandin tevlî jimarek gotar û lêkolînên bi herdû zimanên
erebî û kurdî. Ji bilî sergotara bi navê "Beşdar be...tê
bizanibe" ev navnîşan di kovarê de cîh digirin: Dosya
hijmarê bi navê"Kurd û Ereb" ya Selah Bedredîn, Federalîzmên
Iraqê û gengeşa ser nasnameyan ya Dr.Ebdulhusên Şe`ban,
Paşeroja dêmokirasiyê li Filistînê di dema niha de û rola
hêzên çep ya Xazî Soranî, Pirsgirêka kêmneteweyan li ser
xaka Islamê:sekûlarîzm garantiya hevwelatîbûna tevav e ya `Efîf
Exder û Tepeserkirina Qubtiyan ji dema hatina Islamê ve ya
Şenûde Hîlal.
Di beşê kurdî yê kovarê de, jimarek ji gotar û lêkolînên
hizrî û wêjeyî cî digirin: Teknîka seridandinê di romana
jinê de -semînera Rêwas Ehmed, Ji Mihabad ta bi Mihabad:
Xewna Kurdiya şêrîn ya Besam Mistefa, Dosya ser Barzanî
sandoqa Stalîn ya polayî da-ya Wezîrê Eşo, Bêkes îşkenca
hebûneke bê dawî ye-ya Kerem Yûsiv, Lêkolîna ser "Helbestvanê
kurd şêx Memdûhê Birîfkanî " ya Besam Mistefa, "Ax Dayê!"
çîroka nivîskar Mîrhac Mistefa, "Be Çirpewe" gurzek
helbestên Zana Q.Dizeyî, û lêkolîna ser zimanê Kurdî ji
aliyê birêz Hesen Huseyîn Denîz "bûyera ketina tîpan-beşa 5"
.Navnîşana kovarê ya ilktronîk jî ev e:
www.hevgirtin.net
Sergotar:
Beşdar be...Tê bizanibe
Weke hercarê, dema ku wextê şanogeriya hilbijartinên
wêneyî(sexte) yên Sûriyê nêzîk dibe, deng bilind dibin û
nêrîn û helwêstên partiyên kurdî dikevin pêşbirkê de.
Alîgirên beşdarîkirinê di hilbijartinan de, li
benda"xêrek"êji serokomar dimînin-weke ku di serdema Hafiz
Esed de pêkdihat-dema ku hinek kes ên ku biriyar bi tevahî
bicî tanîn tanî di şêweya rûniştin û danûsitendina bi dostan
re û ezberkirina pesindan û naznavên serokayetiyê-di
parlementoyê de dihatin te`în kirin. Pirsgirêka van alîgirên
kilasîk ewe ku şansê wan nîn bû ji ber gelek sedeman weke
derketina alîgirin dinê ku di nava xwe de hesreta ketina
parlementoya rêjîmê ji mêj ve vedişêrin, yên ku heye bibine
pêşbirikên wan di warê pêşkêşkirina xizmetan bi taybetî
rawestandina kolana kurdî û aramkirina wê û
dûrkirina"tundrewan"!!ji wê.
Bandora pilanên rêjîmê van rojan di gorepana kurdî de diyar
e, bi taybetî ser girûpên partiyên me, yên ku weke zîbeqê bi
şev beşdar in û bi roj ne başdar in, bêyî ti guhdana balkêş
ji aliyê cemawer û welatparêzên kurd ve. Ev jî nîşaneke din
e ku hilbijartinên ku dê di dawiya vê mehê de–Nîsanê-pêkwerin
ne ciyê baldariya welatiyên kurd e nejî welatiyên Sûriyê bi
giştî-ji xwedî ezmûn bipirse ne ji hekîman!-
Van rojan em note û awazeke nû dibihîzin ji hinek kesên ku
ji rastiya pirsgirêka kurdî tênagihin, û li dirêjahiya
jiyana xwe ya siyasî têkçûyî û binkeftî bûne, ku dixwazin
navdar bibin. Bi rengekî nedîrekt, bang û awazên wan dikevin
xizmeta berjewendiyên desthilatdariyê de, bi taybetî
cidakirina tevgera siyasiya kurdî ji tevgera opozisyona
dêmokiratîka Sûrî bi hincet û behaneyên ne reel û çewit dema
ew dibêjin ku pirsgirêka kurdî dikare çareser bibe bêyî bicî
anîna rêjîmeke dêmokiratîk, û bazarê bi rêjîmê re ji pişt
opozisyona Sûrî ve ya ku nikare desthilatdariyê bidest bixe
li gor wan, dikin.
Ecêb e ku hinek kes rastiyan bi vî rengî tevlîhev dikin:
Çawa beşdarîkirin di bangewaziyên rêjîma ku ji xwe venasînê
bi hebûn û doza milletê kurd nade dibe?!.Çawa beşdarîkirin
di hilbijartinên ku di bin saya yasayên `urfî û û awarte û
desthilatdariya partiya serdest–ya ku serokatiya dewlet û
civakê dike-û tunebûna yasayeke hilbijartinan ya dêmokiratîk
û modêrin û yasayeke ku karûbarên partiyan û ragihandin,
medyayê birêve bibe, dibe?Ji vê wêdetir, gelo çi sûdeya
beşdarîbûna girûpên kurdî di hilbijartinan de, di vê
atmosfêra parçebûna partiyan-jimare wan aniha 24 girûp e–û
parçebûna mezin di tevahiya tevgera neteweyî kurdî û
maytêkirin, desttêwerdana alavên ewlekariyê di laşê wê de,
heye?
