|
Berzan Birîvî
|
|
|
|
Stêrka
şeva min
Ka destê xwe bide min
Xwe têxe bin çengê min
Ez ê bi baskan te biparêzim
Em ê bidin ser rêçek e
Dirêj û dûr û bê dawî û bê veger
Ta em tê de winda bibin
Heger tu westiyayî
Serê xwe li ser sînga min deyne
Ez ê tiliyan ji porê te re
Bikim şeh
Ji bo xewnên te
Bibin alên li ber ba
Ji bo çav hêsiran nenasînin
Dêm û lêv
Şîniyê ji xwe bi dûrxînin
Şînî li wan bigere wan nebîne
Dema ez û tu
Peyala evînê li hevxînin
dê heyva çarde şevî
Ji perîşanî.. ji fediyan û duxmê
dê ..
xwe bide ser hev
Û bi hêsiran
Newalên li pêş me
Bike deryayek
Em ê li beravên wê
Bi tiliyên xwe gunehan bişon
Û bedena xwe
Li ber tava heyvê raxînin
Em ê hungiv
Ji kewaran binoşin
Ta dilop tê de nemîne
Sînga xwe ji min re
Bike berqef û min tê de hilîne
Bi nenûkan
Li ser bejna min binivîsîne
Ev goriyê evîn e
Ne evîndarê zîn e
Evîndarê jîn e.
|
| |
|
Banga Kovara Urkêş
Piştî
çend mehan ji derçûna jimara 1ê, aniha
desteya nivîskarên Kovara Urkêşê dest bi
amadebûnan dike, daku jimara 2ê ya
kovarê çap bike.
Desteya nivîskarên Urkêşê, banga xwe
digihîne rewşenbîr û nivîskarên zimanê
kurdî ku berhemên xwe yên teze û nuh ji
boyî vê jimarê li ser emaila Urkêşê, di
hundurê du hefteyan de bişînin.
Desteya Nivîskaran vê bangê wek
derfetekê dibîne ku, spasiyên xwe yên
germ pêşkêşî bike ji hemî rewşenbîr û
welatparêzên ku alîkariya belavkirin û
firotina jimara yekê ya Urkêşê kirin.
Her wisa Desteya Nivîskaran, helwesta
Yekîtiya Nivîskarên Kurd- Tayê Duhokê,
ya ji boyî berdewamkirina Urkêşê,
helwesteke rewşenbîrane û cihê
serbilindî û şahnaziyê dibîne.
Em li bendî lêkolîn, werger, çîrok û
helbestên we ne!
urkes@rojava.net
www.rojava.net
|
kurdi@tirej.net
ARSHIV
2006
|
