TÊKILÎ

HELBESTA NÛJEN

HELBESTA KLASÎK

ÇÎROK

REXNE

HUNER

PEXŞAN

PIRTÛK

NÛÇEYÊN ÇANDÎ

WERGER

ROMAN

HEVPEYIVÎN

SÎNEME

BEŞÊ EREBÎ

        Axîn welat

Kevirên vemirî tîna min naşkînin

Hemû payîz

li darên te vedilukumin.

pêl bi pêl

xwe didim pêş

û vedikşim..

hêrs û evîna min

di nav destên xwe de

bigre,

yan jî bi min re biherike…

***

pişta xwe bide min

bibe agir,

bibe birûskvedan..

….

***

kevirên vemirî tîna min

naşkînin.

***

du pencerên vekirî

pêjneke dirêj,

û sîtavek…

her ku nêzîk dibe,

dibim lehî,

tevlî te dibim

da ku çemandina me

dirêjtir bibe

***

hemû biharên min

bi hêla çepê de,

dizîvirin,

bi hêla lêvên te de..

hema bîstikekê,

tenê bîstikekê ji xwe

bi ava min de berde,

bila pêlên min di çavên te de

vebrûsin,

û beravên min

di xwîna te de bişkên..

Tîrêja Kurdî

kurdi@tirej.net

tîrêja kurdî

kurdi@tirej.net