| |
FIRAT
CEWERÎ
LI
SER EVÎNÊ
Edebiyat
evînê, evîn jî edebiyatê bi min şêrîn dike.
*
Evîn ne li temenê biçûk ne jî li porê spî dinere,
gava bi mirov digire, aqil dibe û laş dihêre.
*
Evîn wek dil e, gava dişikê zû bi zû nacebire.
*
Hezkirina zêde wek xwarina zêde ye; yek zik ya din jî
dil dêşîne.
*
Bala xwe bidin evîndaran; an mirov dilê xwe dibijîne
rewşa wan, an jî mirov bi fiqrê wan dikene.
*
Xapandina evînê wek xencereke ko ye; di dil de dizîvire
lê zik dêşîne.
*
Tu guh mede simbêlboqî an jî quretiya hin zilaman; bi
Mishef ew ketiyê evînê ne.
*
Ji evîndaran bigerin, bihêlin bila ew wek zarokan
şa bibin û tevbigerin.
*
Gelek şer ji ber evînê, gelek aştî bi evînê
li dar ketine.
*
Pêla evînê ji ber lehiya dil e.
*
Min gelek celebên êşê kişandine, lê tu êşê
mîna êşa evînê bi min nedaye kişandin.
*
Evîn xweş e, lê bi êşan ve mişt e.
*
Evîn wek tîrekê ye; carinan li dilê wî, carinan jî
li yê wê dikeve.
*
Hemû serketinên min bi evînê, hemû têkçûnên min
ji ber evînê ne.
*
Hêsirên evînê diniqutin dil jî.
*
Min zanîba evîn bi êş e, ez ê evîndar nebûma,
lê ez evîndar nebûma ez ê bi êşa evînê
nehesiyama.
*
Dilketin ketina dil ya ji sîngê ye.
*
Jin ewqasî di hembêza min de giriyane ku wan ez jî hînî
girî kirim. Ez niha fêhm dikim ku giriyên wan ji ber
evînê bûn.
*
Kê gotiye kulturên cihê hene? Hemû jinên cîhanê mîna
hev in; an hez dikin, an jî hez nakin; hezkirin her tiştî,
hez nekerin tiştekî nakin.
*
Hinek ji bo azadiyê evîna xwe, hinek jî ji bo evînê
azadiya xwe feda dikin.
*
Gava ez evîndar bûm min ji her tiştî hez dikir,
piştî ku birîndar bûm min ji her tiştî
nefret kir.
*
Mirov ji tiştên xweşik hez dike, lê ax,
heger tiştên xweşik jî ji mirov hez bikira.
*
Dilê min dikeve her jina xweşik; ez bi xweşikiya
xweşikbûna wan li xweşiyê digerim.
*
Evîn di destê jinê de mîna sîlehekê ye; ew geh bi
xwe de geh jî bi dildarê xwe de diteqîne.
*
Evîn û dilxerabî destbira ne, lê yek ya din dikuje.
*
Evîna bê seks wek seksa bê evîn e.
*
Ez çi zanim, çi fêhm dikim ji evînê
Gedê do me, li min wa meke dînê!
Min mexapîn, li min meke dolaban
Dilê bi evîn navêje nava lingan.
*
Kurd dibêjin “Evîn ne bulxur e, kevçî lê xe û
bibuhure”. Kurd rast dibêjin.
*
Evîn pêşî evîndar kor dike, dû re jî
dajo ser mirinê.
*
Evîn egoîzmeke xurt e, yê ku di ber evînê de xwe
dikujin jî dîsa ji bo wê egoîzmê ye.
*
Dermanê nermkirina dîktatoran evîn e; ji xwe ew ji
ber bêevîniyê bûne dîktator.
Tîrêja Kurdî
kurdi@tirej.net |
|
