|
|
|
|
|
Gotinên dawî yên Dogan: BI REHMA
XANÎ WEKÎ TAJDÎN LI BER XWE BIDIN
|
 |
25 Pûsper 2007
BAZID - Parlamenterê berê yê DEP'ê
Orhan Dogan ku pêr êvarê li Bazîdê
krîza dil derbas kiribû û piştî
rakirina Nexweşxaneya Dewletê ya
Îdirê, ji wir jî sewqî Nexweşxaneya
Lêkolînê ya Fakulteya Tipê ya
Zanîngeha Yuzuncu Yilê hate
îdiakirin ku mirina mejî ya Dogan
pêk hatiye. Dogan di axaftina xwe ya
beriya bikeve de daxuyaniyên girîng
dan.
Nivîskarê me Hemîd Dilbahar got dema
Dogan ketiye wî ew hembêz kiriye û
gotina wî ya dawî bû; ‘Dayê dayê…”
‘KURDISTAN BI TE SERBILIND E’
Nivîskarê me Hemîd Dilbahar ku li
sahneyê li cem Orhan Dogan bû diyar
kir ku girseyê eleqe û coşeke mezin
nîşanî derketina Orhan Dogan a ser
sahneyê da. Dilbahar wiha got:
“Beriya ku bê ser sahneyê li cihê
xwe ranediwestiya û pir bi heyecan
bû. Orhan Dogan dest bi axaftina xwe
kir û gel bi yek awazê digot
‘Kurdistan bi te serbilind e’. Dogan
gelek caran radiwestiya û li
sloganên girseyê guhdarî dikir. Her
wiha li nava çavên min dinihêrî.”
‘LÊBORÎNA XWE DIXWAZIM’
Piştî slogana ‘Kurdistan bi te
serbilind e’ Dogan bi gotina 'min
tiştekî serbilindîyê nekiriye yên
serbilind hûn in û we em afirandine’
bersiv da girseya ku ji dehzeran
kesî pêk dihat . Dogan wiha got:
“Heke di vê têkoşînê qet gunehên min
nebin jî, dîsa ez lêborîna xwe
dixwazim. Ji bo ku heta niha me aştî
serdest nekiriye û dorhêleke aram ji
we re ne ava kiriye, ez we lêborînê
dixwazim. Hûn nebin ma em kî ne.”
HÛN KÎ NE? ‘EM KURD IN’
Dogan di axaftina xwe de li ser
girîngiya nasnameya kurd sekinî û ji
gel pirsa; ‘Hûn kî ne?’ kir. Li ser
vê pirsê bi deh hezaran kesî bi yek
dengî got; ‘Em kurd in’. Li ser vê
yekê Dogan wiha got: “We ji berê de
gotibû em kurd in. Nasnameya kurd û
çanda wan nemir e.”
‘BI REHMA XANÎ LI CÎHANÊ BINÊRIN’
Dogan bi taybetî jî li ser girîngiya
dîroka kurdan rawestiya û wiha got:
“ Hûn neviyên Ehmedê Xanî ne. Lewra
ez dizanim ku hûn dê bi rehm û
edelata Ehmedê Xanî li cîhanê mêze
bikin. Weke Tajdîn ji bo qenciyê li
dijî xerabiyê li ber xwe bidin.
‘DÊ BAŞTIR WE TEMSÎL BIKIN’
Orhan Dogan di axaftina xwe de li
ser hilbijartinan jî sekinî û yek bi
yek navên serokwezîrên tirk gotin û
behsa kirinên wan ên li dijî gelê
kurd kirin. Dogan wiha pê de çû: “Ez
bawer dikim ku dê bi dehan hevalên
me wekî parlementer biçin meclisê û
we ji me baştir temsîl bikin. Ez bi
yekê bawerim.“
MIRINA MEJÎ PÊK HAT
Ji bo Orhan Dogan ku tedawî ya wî li
Beşa Kardiyolojiyê ya Nexweşxaneya
Lêkolînê ya Wanê didome, gelek kesên
ku di nava wan de Leyla Zana,
namzetên 'Hezar Hêvî' yên Colemêrg û
Agirî, xebatkarên rojnameya Agosê jî
hene, hatin nexweşxaneyê. Her wiha
Serokê Rêxistina DTP'ê ya Bajarê
Wanê Abdurrahman Dogar, Şaredara
Sixkê Gulcîhan Şîmşek, namzetên 'Hezar
Hêvî' yên Wanê Saîm Kartal, Fatma
Kurtulan, Ozdal Uçer û gelek welatî
ji serê sibê heta niha li ber
nexweşxaneyê ne. Hate îdiakirin ku
mirina mejî pêk hatiye.
www.azadiyawelat.com
|
|
