|
 |
|
Bengî Mûşî |
Ez ê bi kurdî
binivîsim
Merheba Bavo...
Ev demek bû min ji te re name nenivîsandibû. Ji ber ku
ev nêzîkê du heyvan ez çûbûm cihê xwe yê berê. Hinek
karê me hebû me qedand û em zîvirîn cihê xwe. Dema ez ne
amede bûm heval Hacer peyam û nîşeyeke te ji min re
rêkîribû. Min tevahî xwend û ez kêfxweş bûm. Bi rastî jî
min dît ku ji bo zimanê kurdî tu min rexne dikî, li ser
vî esasî min jî biryar girt ku ez ê jî ji te re namayeke
kurdî binivîsînim. Ez bawer dikim ku tu jî dê pir
kêfxweş bibî. Bes ez hêvî dikim ku tu nebêjî hinek heval
şûna min de ev name nivîsandine. Ji ber ku ez bi xwe
dinivîsînim û ez hewl didim bi perwerdeya zimanê kurdî
re nivîsandina xwe jî sererast bikim…
Dermanê mîgren û egzema, dîsa boyaxa ku te rêkiribû
gihişt destê min. Ez ji bona van pir spas dikim. Dervayî
van heger te tiştekî din rêkiriye, ez wan nizanim, bes
ev gihîştin destê min. Ez ê dermanan di demeke kurt te
biceribînim. Boyax jî li gora dilê min e, rengê ku min
dixwest jî jixwe ev bû, ji bona vê jî ez pir spas dikim.
Bavo rewşa min baş e, ez hêvî dikim ku hûn jî baş bin.
Heger tu bikaribî saet û rojên programa xwe ji min re
binîvisînî ez ê pir kêfxweş bibim. Li gor ez dizanim tu
rojane nîv saet rojnameyan dixwinî. Heger bernameyeke te
ya din hebe, ji min re binivîsînî dê baş be.
Dema ez çûm aliyê din min heval Şoreş û heval Kamûran
dîtin. Heval Rotînda jî hatibû gel me. Min bi wan re
hinek nîqaş jî kir. Li gor behs dikirin rewş û xabata te
baş derbas dibe. Ez jî hêvîdarim ku di xabatên te de tu
pisgirêk dernekevin.
Bi rastî jî nivîsandina kurdî hinekî ji min re zor tê û
ez nikarim hestên xwe jî tam bînim zimên. Bes ew jî ji
bo min bû gava yekemîn. Belkî di dema pêş de ez ê
bikaribim nameyên hîn xweşiktir binivîsinim. Berî ku ez
nameya xwe biqedinîm, ji te re, ji dayîka xwe û birayê
xwe yê mezin re silav û hezkirinên xwe bi rê dikim. Dîsa
ji Leyla, Savaş û malbatên wan re jî silav û hezkirinên
xwe dişinim. Hêlîn Garzan, Hacer û tevahî hevalên me yên
saziyê, dîsa hevalên din jî ji we re pir silav dikin.
Di xabetên we de serkeftinê dixwazim û li ser hêviyên ku
careke din em hev bibînin.
Silav û hezkirin
Bengî Mûşî
Wargehên Azad
www.azadiyawelat.com
|
|
|
|
|
|
|
|
|
|
|
|
www.rojava.net
-
Tîrêja Kurdî, ji alî rêziman û rastnivîsînê ve, di serrastkirina berheman de
azad e.
- Ji bilî nivîsên ku li ser navê Tîrêja Kurdî têne weşandin, her nivîskarek
berpirsê naveroka nivîsa xwe ye.
www.semakurd.net
|
|
