|
Festîvala rêzgirtinê li
helbestvan Sebrî Botanî
Duhok:Dê di rojên 4-5 /7/2007 ê de festîvala rêzgirtinê bo helbestivan û
nîvskarê navdar ê kurd Sebrî Botanî, jêr çavdêriya nivîskar Abdulkerîm
Findî li bajêrê Dihukê saz bibe.
Di daxuyanîyekê da, endamê Komîta Bilnd a Festîvalê Îsmaîl Tahir got "ev
festîvale dê du rojan berdewam be û dê gelek babet li ser aliyên jiyan,
berhem û xebata Sebrî Botanî hên pêşkeş kirin, û roja yekê dê peyv û
gotarên aliyên siyasî û kulturî hên xandin,mîna; peyva Komîta Bilind a
Festîvalê, peyva Nivîsîngeha Perlemantoya Kurdistanê li Dihukê, gotara
Civata Parêzgeha Dihukê û peyva Yekêtiya Nivîskarên Kurd li Dihukê.
Helbestvan û nivîskarê kurd Sebrî Botanî di sala 1927 ê de jidayik
bûye û di roja 25/10/1997 ê de li Norewçê wefat kir
|
Çavên xwe veke û li nexşeya dilê me binêre ku çawan welatekî ji
reşegulan li pey xewna te poşman dibe! Çavên xwe veke ku çawan
goristanên wê nexşeyê ji me re dibêjin: mirina wî bawer nekin,
negirîn, dê li we vegere! Henekan bi we dike da bizanibe
ka hûn ji wî hezdikin an na!!?
Çavên xwe veke û li nexşeya dilê me binêre ku çawan ji te re
dibêje: tu di têkoşîna xwe de xweşik bûyî! tu di girtîxaneya xwe
de xweşik bûyî! tu di mirina xwe de jî wek berbanga vî welatî
xweşik î!
Bawer nekin, dê sibê bi hilatina rojê re, wek nermebaranê, ji
Bazîdê ta bi Cizîrê, dê bi ser nexşeya dilê we de bibare û
dê bizanibe ku çendîn axa vî welatî ji barîna wî hezdike!! |
|
