Taha Xelîl
Çend sal
Gelek sal derbas nebûne...
tenê bîst sal...
Pencere ew pencere ye.. .
Zikak eynî zikak e..
hîna ew dêlî pê ve hildikişe..
hîna dixwaze xwe bighîne te..
gelek sal derbas nebûne..
tenê tava rojê rengê pencerê guhertiye..
tenê demsalan boyağa pencerê weşandiye...
gelek sal derbas nebûne..!
tenê bîst sal..
ma bîst sal çi ne.. ?!!
Çend sal 1
Gelek sal derbas nebûne..
tenê bîst sal..
Pencere ew pencere ye..
lê nema tu tê de yî..
ne jî rojê sed carî ..
tê vekirin û girtin..
ez jî nema di wê zikakê re derbas dibim..
gelek sal derbas nebûne..
de bera pencere bigrî..
ma bîst sal çi ne..?!!
Dar
Dara ku xwe avêtiye erdê..
du evîndar veşartine...
hinarî hev dibin
Şop
Berf dibare
hûn dizanin ?
wa ye hîm û kenaran vedişêre...
hûn dizanin ?
ji dûr ve dengê lingan tête min..
hûn dizanin ?
berf e û evîndar in
hin di bin de ne
hin jî şer ji evînê re dikin..
hin jî tiliyên lingên wan weşiyane..
hûn dizanin ?
va ez jî li bin berfê digrîm
li dilê kurdistanê digerim ..!
Gotinên wê
Gotinên wê ..!
Damarên daran in
di kulîlkên êşê de..
Sikakên zîv in
Li ezmanan diçirisin..
Zingilê wê
erê...
min ji te hez kir..
ez ê xuliya heft gundan
bi serê xwe dakim..
Dîtin
Kêr di pişta min de ye
her kes min dinase..
Kêr di pişta min de ye
û ez nabînim..!!
Mase
Gul li ser masê bû
berî ku ez rûnim jî.
Gul li ser masê bû
Hêsir
Te dilê min dît...¬?
Te dît çawa dil dişikin..
Tîrêja Kurdî
kurdi@tirej.net |
